Postowa kórtka Hanza Hühnchena na jogo źowki źowku Utu, ak jo bydliła w internaśe pśi Serbskej rozšyrjonej wušej šuli w Chóśebuzu.Šula w zelenem 1934: wucabnik Hühnchen sejźi na pjeńku na lěwem boce.

Na sympoziumje k cesći Hanza Hühnchena (1882-1977) – serb­skego patriota, ceptarja, kantora a organizatora serbskego žywjenja – pśed dwěma tyźenjoma jo jogo źowki źowka Katrin Urbańscyna pśigótowała rědnu prezentaciju we serbskej rěcy wót žywjenja swójogo starego nana – Casnik jo pśed tyźenjom pisał. Pśez to su pśisłucharje zgónili wjele nic jano wót jogo serbskich statkow, ale teke wót tencasnych wobstojnosćow a familijowego žywjenja. Sympozium jo organizěrowało Spěchowańske towaristwo za Serbski muzej.