We Wjelikem gaju města Lubina nadejźomy kamjeń Ljuby. Pomnik z jeje mjenim dej wopominaś słowjańsku bogowku, kótaraž jo pó legenźe how swójo swěte město měła, a snaź jo městoju mě pósćiła. Archeologiski wšak njejo dotychměst žedno kultowe město dopokazane. W Lubinje pak jo było groźišćo Łužycanarjow. Něźi jo toś wěrjepódobnje teke była někaka słowjańska swětnica. Starše, toś tu wěcku wuswětlujuce dokumenty bóžko niźi njamaju.