Na Festiwalu pódzajtšnoeuropskego filma, we sekciji „Domownja“, su pokazali šwedojski grajny film „Samiska kšej“ (šwedojski: Samiblod) z lěta 2016, ak wulicujo wót žywjenja młodego samiskego źowća we 1930tych lětach. Režiserka Amanda Kernell ma wót nanowego boka samiske kórjenje. Filmoju jo se pśizamknuła diskusija, na kótarejž stej se wobźěliłej historikaŕ dr. Pětš Šurman ze Serbskego instituta a dr. Madlena Norbergowa, kótaraž jo žedne lěta w Šwedojskej w Uppsala bydliła a na uniwersiśe se z kulturu a rěc luda Sami wopóznała. Rozgrono jo moderěrowała dr. Grit Lemke, zagronita za serbski źěł festiwala.