We našom rěźe wó starjejšych, ako powědaju wěcej ako jadnu rěc ze źiśmi, cytaśo źinsa interview z Francisku Albertowu. Wóna jo zagronita za młoźinske źěło Domowiny. Z njeju jo powědała Stefanie Krawcojc.
Nowy Casnik: Kněni Albertowa, wulicujśo nam pšosym pitśku wó swójej familiji.
Franciska Albertowa: Bydlim we Wjerbnje na starjejšynem dwórje. Som tam pśiśěgnuła ako som 12 była a wósym lět tam žywa była ze starjejšyma. Ako som była 20 lět, som pśeśěgnuła. Łoni smy tam zas śěgnuli, mój cłowjek, naju źowka a ja. Naju mała Pawlinka jo toś była 2 lěśe stara.
To groni, až Waše starjejše njepóchadaju z Wjerbna?
Tak jo. Mój nan póchada z Grodka. Familija mójeje mamy ma kórjenje w Žylowje a w Groźišću.
Jo něcht ze familiji z Wami serbski powědał?