Srjodu, 1. nowember, su wšykne wjelike kupnice a lody w Pólskej byli zamknjone. Na tom dnju su swěśili swěźeń wšyknych swětych. To jo jaden wót 11 swěźenjow w běgu lěta w Pólskej, źož wikowarje a pśedawarje maju njeźěłabny źeń.
Katolska cerkwja swěśi na 1. nowemberu swěźeń wšyknych swětych (Wszystkich Świętych). W Pólskej jo na tom dnju wustawjony oficielny swěźeń, njeźěłabny źeń. To jo tradicija, až pśisamem kuždy Pólak wudajo se na tom dnju na kjarchob woglědat. Kuždy, ak ma tam te swóje. Glich njejo to źeń spominanja na wšykne njaboge, ale zapšawom jano na te, kótarež jo katolska cerkwja za swěte narjakła. Weto swěśe jen w Pólskej tak, ako by to był swěźeń wšyknych njabogich.