We Bonnje wobraduju politikarje, diplomaty a zastupowarje towaristwa na swětowej klimowej konferency „COP 23“. Wót 6.–17. nowembra powědaju wó tom, kak mógu dalšnemu rozgrěśu zemje zadoraś a slědy klimoweje změny we wěstych granicach źaržaś. We pśedpólu su luźe we wšakich městnach republiki protestěrowali a pokazali na škódny efekt, ako to spalenje fosilnych palidłow ma na klimu. Demonstracije su byli we Bonnje, we jamje Hambachska góla su se aktiwisty dobyli na teren brunicoweje jamy, we Sakskej Šwicarskej su łužyske Greenpeace-aktiwisty powjesyli plakat pśed jamu „Kleinhöhle“ pla Saupsdorfa. Wóni kśě spominaś na kanclarku Merkelowu, až wóna se mjazynarodnje prezentěrujo ako „klima-kanclarka“ – we Nimskej ale njestatkujo tak konsekwentnje.

Źeń reformacije jo źeń protesta