Chóśebuz/Cottbus. Nowa ministarka za kubłanje, młoźinu a sport Britta Ernstowa pśijěźo pětk za tyźeń, 10. nowember, na woglědy do Dolnoserbskego gymnaziuma na pśepšosenje starjejšyskeje iniciatiwy, ak se angažěrujo k lěpšemu serbskeje wucby a Witaj-projekta. To pišo nam powědarka iniciatiwy Kathleen Komolcyna z Pódgóle pla Gołkojc. Ministarka buźo tam we praksy nazgóniś, kak wuglěda serbska wucba, a se rozgranjaś z wuknikami. Wóni budu jej rozkładowaś, kaku rolu grajo serbska rěc we jich žywjenju.