Tak ako něnto wuglěda, co bramborski parlament w nowembrje wobzamknuś wokrejsnu reformu, pó kótarejž wót lěta 2019 změjomy pón jano hyšći wokoło 10 wokrejsow, a nic wěcej 14 ako něnto. W zachadnyma lětoma jo se wjele wó tom diskutěrowało na wjele zgromaźinach a drugich zarědowanjach. W medijach – teke w Casniku a bramborskem serbskem radiju – jo było wjelgin cesto to grono wó tom. Za wětšy źěl su komunalne politikarje a wobydlarje wótpokazali toś tu reformu we pśedwiźonej formje, dokulaž wužytk togo njejo wiźeś. Ministarski prezident, kněžarstwo a wětšy źěl koalicije SPD/Lěwica pak wóstanu dalej pśi tom, až dej pśiś taka wobšyrna reforma.