Sobotu, 21.10.2017, zeger 13:05 – 13:35, w rbb telewiziji
Moderator Christian Matthée was wuwitajo tenraz z Dešna – wót tamnego Sprjewinego ługa a starosłowjańskego sedlišća „stary lud“, źož jo se pśed krotkim lětosna sezona skóńcyła.
A to su temy magacina:
– 15 lět jo se w nowoniwjańskej źiśowni powědało z kupku źiśi cełodnjownje serbski, pótakem tak cesto ako móžno. Něnto Witaj-projekt tam wěcej njedajo. Serbski se jano hyšći ako wopóznawańska rěc póbitujo. „Łužyca“ se dopšašujo – pla zagronitych a pótrjefjonych.
– W oktobrje su se pósćili lětosne myta Domowiny. Z jadnym mytom Domowiny za dorost su pócesćili redakciju dolnoserbskego młoźinskego magacina „Bubak“ wót rbb a to za jeje angažement wó zdźaržanje a woplěwanje serbskeje rěcy.
– Pód titelom „woglěd do domu“ smy startowali nowu rubriku. W drugem źělu serije wzejo nas bórkojski pśirodowědnik a sobuwudawaŕ serbskego słownika rostlinowych mjenjow Jens Martin sobu na drogowanje pśez swójo „serbske žywjenje“.
– W kulturnych pórucenjach comy pokazaś na serbske kulturne wjeraški w blišem casu w Dolnej Łužycy.