Chóśebuz/Cottbus. Lud w Nimskej jo njeźelu wuzwólował nowy parlament. How su nachylne rezultaty wuzwólowanja za cełu Nimsku (we spinkach jo pódana diferenca k slědnemu wuzwólowanju 2013):
1. CDU/CSU 33% (-8,5)
2. SPD 20,5% (-5,2)
3. AfD 12,6% (+7,9)
4. FDP 10,7% (+5,9)
5. Lěwica 9,2% (+0,6)
6. Zwěstk 90/Zelene 8,9% (+0,5)
wše druge 5,1% (-1,3)
Na wuzwólowanju jo se wobźěliło 76,2% tych, ak su wuzwólowarske pšawo měli (4,7% wěcej ako 2013).
*
We wuzwólowańskem wokrejsu 64 (Chóśebuz–SPN), źož bydli nejwěcej serbskich luźi w Bramborskej, su partaje telik głosow dostali (> 5%):
1. AfD 26,8%
2.CDU 24,1%
3. Lěwica 16,5%
4. SPD 15,2%
5. FDP 7,6%
Naš wuzwólowański wokrejs (Wahlkreis) jo ten jaden samy we cełej Bramborskej, źož Alternatiwa za Nimsku (AfD) jo pśedogóniła CDU. Direktny mandat jo se weto dostał kandidatoju CDU dr. Klaus-Peter Schulzoju (28,4% prědnych głosow). Direktne kandidaty drugich partajow su dostali slědujucu licbu głosow: Helene Spring-Räumschüssel (AfD) (25,3%), Ulrich Freese (SPD) (17%), Birgit Kaufhold (Lěwica)(15,7%) a Jeff Staudacher (FDP) (5,7%).