Dešno/Dissen. Erika Jahnowa, serbska ceptarka na wuměńku, iniciatorka dešańskego muzeja a awtorka wulicowańkow a basnickow za źiśi, jo pónjeźele tyźeń swěśiła w kjarcmje Serbski dwór swój 85. narodny źeń. Gratulěrowat stej pśišłej mjazy drugim šef běrowa dolnołužyskeje Domowiny Marcus Końcaŕ a šołta dešańsko-strjažojskeje gmejny Fred Kaiser. Spiwaŕ Gerald Schön jo zespiwał mjazy drugim spiwanje Mója lubosć jo seń, ak jubilarka wjelgin lubo ma, Frank Kosyk jo grał pśi tom na gitarje.