Bjarnat Rjentš jo swěśił cora (3. julija) swój kulowaty 80. narodny źeń. Spiwarki seksteta su jogo južo w prědnych šulskich lětach zeznali. Jo ga był organizatoriski wjednik Dolnoserbskego źiśecego chora, pótom Dolnoserbskego źiśecego ansambla, a to 30 lět. Dolnoserbski źiśecy chor jo Bjarnat Rjentš sobu natwarił a to ku góźbje kongresa Domowiny 1982 w Chóśebuzu.
Jo teke pó kongresu organizěrował proby, wabił spiwarjow a spiwarki. Kóńc 1980 lět jo chor licył samo 70 źiśi, kótarež su pśišli ze wšakich šulow.