W Serbskem instituśe slěźi wěsta licba sorabistow – cesto dosć pšose wóni teke slěźarje wót wenka. Toś su se wót 9. do 11. junija zmakali na „Zmakanje seśi młodych akademikarjow-sorabistow“. Wót wšakich uniwersitow z cełeje Nimskeje a wót Serbskego instituta jo se jadnab 28 luźi zmakało. Wóni su pśedstajili swóje slěźarske projekty, zwětšego disertacije a masterske źěła. We srjejźi zmakanja jo stojała wuměna mjazy disciplinami. Rozmjej: na take zmakanja pśidu luźe, ako se zaběraju ze serbskimi stawiznami, politiku, literaturu a teke rěcnymi temami. Wažne za młode wědomnostniki jo teke, se raz mjazy sobu póznaś. Diskusijne koła su wudopołnili tu wuměnu. Dojěli su z Drježdźan, Barlinja, Hale nad Solawy, Gießena, Lipska, Bochuma, Waršawy a samo z Taiwana. Pśednoski su byli w nimskej, górnoserbskej a dolnoserbskej rěcy.