Pśi góźbje togo wobspomnjetego tšojenja smy póglědali do Serbskego Casnika z 1920tych lět. A namakali wjele interesantnych artikelow wót Serbskeje ludoweje banki (Nadpisma smy sami pśipisali).

Pśinosk za Maśicu: 4 mk. Płaśćo pśez serbsku banku

(1921) Ze Serbow. Maśica Serbska mějašo 7. julija gromadu w Chóśebuzu. Nowe wustawki buchu pódpisane. Towaristwo dej se w sudnistwje zapisaś daś. Nowe kjarližowe knigły su skóro zapłaśone. Nowy śišć (3000 štuk) a wězanje (1000 štuk) jo płaśeło 18.300 mk. Tomu su darili serbski zwěstk 7750 mk., serbska banka 500 mk, kn. dr. Schneller z Neujorka 500 mk, tśo cłonki su 2000 mk. póžycyli (...). Hyšći raz cynimy znate, až pśinosk jo se wót 1. januara togo lěta na 4 mk. póstajił, te we wójnskem casu njepłaśone pśinoski njetrjebaju se dopłaśiś. Towaristwowu móšynu zastoj bankowy Klos w Chóśebuzu. A wše cłonki su pšosone, aby swój pśinosk pśez postowy šek płaśili na

Serbska ludowa banka, Wendische Volksbank AG, Filiale Cottbus, Postschekamt Berlin Nr. 101529

Serbska banka rosćo a pśibera – lětna bilanca