Chóśebuz/Cottbus. Na politiske rozgrono jo pětk wjacor do Serbskego domu kazała Iris Schülzke z města Schlieben, wótpósłana frakcije Brandenburger Vereinigte Bürgerbewegungen (BVB) – freie Wähler w bramborskem parlamenśe. BVB jo zwěstk iniciatiwow a njepartajskich wuzwólowari, ak su w komunach na wšakich pólach aktiwne. Wóni maju w bramborskem parlamenśe tśoch wótpósłanych.

Na rozgronje stej se wobźěliłej pśedsedaŕ Serbskeje rady Torsten Mak a šef Domowinskego běrowa w Chóśebuzu Marcus Końcaŕ, wušej togo nimske luźe z města a z pódpołdnjoweje Bramborskeje, pśiwisniki abo cłonki zwěstka BVB.