Tuchylu wuběguju se balokoparske mustwa (Mannschaften) wó pokal balokoparskego wokrejsa Dolna Łužyca. Depšćańske koparje z kluba VfB Depsk (ako grajo we wokrejsnej klasy) su we njom napórali pšawu sensaciju. Rozmjej, wóni su nad swójimi pśeśiwnikami raz za razom dobyli, a to nic jano nad mustwami ze swójeje samskeje ligi (Zelezna pla Grodka 4 : 1, Rogozno 6 : 0, Wjeliki Kólsk 4 : 1), ale teke nad wjele mócnjejšymi pśeśiwnikami, ako wacej graju tśi klase wušej we krajnej lize! Jo, kluba Eintracht Picnjo (1 : 9) a we tabeli wjeducy VfB Chóśebuz (4 : 23) pó stśělanju jadnastkow (Elfmeter)) stej wordowałej sensacionelnje we běrtyl- a połfinalu eliminěrowanej!

To finalne graśe turněra buźo pětk (2. juni) na sportnišću SV Grodk. Georg Zielonkowski jo se rozgranjał z Willi Pašku z depšćańskego mustwa, kótaryž jo teke cłonk nowo załožonego dolnoserbskego mustwa Serbske koparje (Casnik jo slědny tyźeń wó tom pisał).

Willi, ja śi zaprědka wugroniju wjeliku chwalbu za waš sensacionelny marš pśez te pěś rundy turněra. Sćo lětosa wobzamknuli, až buźośo wšykne mócy do pokalowego turněra zatkaś?