Pódstupim/Potsdam. Južo dłujki cas dominěrujotej dwě temje pósejźenja Rady za nastupnosći Serbow w krajnem sejmje Bramborskeje: kubłanje a serbski sedleński rum. Tenraz pak jo to hynac było. Głownej temje 2. maja stej měłej cyniś wobej z brunicu: bruna Sprjewja a plany brunicowych jamow.

Rozpšawił jo we głownem Klaus Freytag, wjednik zagronitego wótźělenja za energiju a surowizny w ministarstwje za góspodarstwo a energiju (MWE). Ale teke zelena partaja (Heide Schinowsky), Zelena Liga (Renej Šuster) a NABU (Winfried Böhmer) su měli to grono.