Jatšowny wogeń – to wše jsy maju. Dla togo smy ako źowća našeje młoźiny toś to lěto starše tradicije wuproběrowali a z tymi napinajuce, ale rědne jatšy dožywili.

Party, pisane jaja a pupki

To jo se juž stwórtk zachopiło, dokulaž dwa gólca młoźiny stej z nami burstak w klubje swěśiłej, pśipódla gronjone mamy nejcoolnjejšy młoźinski klub cełego regiona. No jo, a kaž to ga jo, smy musali pór razow na narodninarjowu pśistarkowaś.

Pótom, pětk, su se źowća zmakali, aby jaja pó serbskem wóskowali. Za mnjo jo było wjelike pśechwatanje, nic jano, dokulaž smy wjele šposa měli, ale teke, dokulaž su se wše serbske mólowanja wjelgin derje raźili. Se zda, až njejo stara tradicija, ale pśisamem trend w mósćańskich domach. Teke pó 5 štundach njejsmy kśěli pśestaś, ale smy pón teke k našym gólcam, kenž su wogeń wobštražowali, woglědali.