We slědnem casu jo pśibrała licba wuběgańcow w Chóśebuzu. Jich jo tuchylu dogromady 2800 wósobow, a to groni, až pśebywa něnto w měsće wěcej ako 15 % wšych wuběgańcow we cełej Bramborskej, ako se zastaraju pśez „Hartz 4“. To jo jich wěcej ako w drugich městach a stronach Bramborskeje a se pomina wót města wjele proce a źěła. Togodla teke njekśě w Chóśebuzu dalšnych wuběgańcow pśiwześ.
Docełego bydle w Chóśebuzu mjazy tymi něźi 100.000 wobydlarjami wokoło 7500 luźi z drugich krajow cełego swěta. Za wětšy źěl su to studenty Bramborskeje techniskeje uniwersity a luźe ze statow Europskeje unije, ako how žywe su a teke źěłaju z tym stoj Chóśebuz prědku w Bramborskej, źož su narowno 3,5 % wobydlari „cuze“. W Pódstupimje jo jich późěl 7,5 %.
Ga budu skóńcnje twariś nowu kupnicu?