Wórjejce/Hoyerswerda. Na wuzwólowańskej zgromaźinje Domowiny sobotu su delegaty naspjet wuzwólili Dawida Statnika (33) za pśedsedarja Domowiny na pśiduce styri lěta. Wón jo był ten jaden samy kandidat a jo dostał wušej 92% głosow. Za zastupneju pśedsedarjowu su wuzwólili Marka Hančika (teke naspjet, z 81% głosow) a Williama Janhoefera (23) z Brjazyny (87%), nowego dolnołužyskego župana.
Do nowego zwězkowego pśedsedarstwa su pśišli mjazy drugim wšykne pěśo dolnołužyske kandidaty: Maksimilian Hasacki, Kito Ela, Kathrin Šwjelina, Colett Šampatisowa a Jenifer Dünnbierowa.