Chóśebuz/Cottbus. Na Serbske blido ku Dnju žeńskich (srjodu tyźeń) stej byłej pšosonej dwě wósebnej žeńskej, kótarejž matej wjele groniś we serbskem žywjenju Dolneje Łužyce. To stej ta iniciatorka a něgajšna wjednica Šule za dolnoserbsku rěc a kulturu Maria Elikowska-Winklerowa (wót februara na wuměńku) a nowa wjednica Uta Henšelowa, kótaraž jo pśed krotkim na jeje město stupiła.