Pódstupim/Potsdam. Mócny protest jo k tomu wjadł, až ministarstwo za kubłanje, młoźinu a sport (MBJS) jo musało spóznaś, až dajo jaden problem. Serby zewšym njejsu spokojom z tym, kak co ministarstwo serbsku wucbu nowo rědowaś. Minimalna licba wót 12 wuknikow, njewobgranicowane gromadu złoženje rědownjow a pominanje, až źiśi deje hyś na drugu šulu, gaž kśě měś serbsku wucbu, ale we jich šuli njedajo dosć zajmcow: To jo pśewjele! Wjele luźam jo jasne, až to buźo kóńc serbskeje wucby we wjele šulach.

Starjejše, druge Serby a jich sympatizanty su pódpisali protestowe kórtki, su pódpisali w lišćinach a su w interneśe peticiju pódpisali (glědajśo na wobrazowy tekst). Serbske institucije a pódpěrowarje su pisali listy a Serbska rada jo wjadła rozgrona z parlamentariarjami. To wšykno jo k tomu wjadło, až jo se śišć na MBJS natwarił. Njamógu nadalej tak cyniś, aby było wšykno w pórědku.