Stawizny wuslěźenja pětego kontinenta znaju wjele zmužnych slěźarjow a wědy łacnych pśirodowědnikow. Jaden z nich jo był Serb Ludwig Leichhardt z Dolneje Łužyce. Za swóju slěźarsku zwažnosć jo zapłaśił ze žywjenim.
Region. Pó 137-dnjownem pśewózu na płachtaku „Sir Edward Paget“ z Londona jo nimski pśirodoslěźaŕ Friedrich Wilhelm Ludwig Leichhardt (1813–1850) 14. februara 1842 pśistajił we wobcerku wustawadła w Sydney Cove (Awstralska).
Leichhardt jo se naroźił ako šeste wót źewjeś źiśi kralojskego smogorjowego inspektora Christiana Hyronimusa Leichhardta (1778–1840), jogo rodne mě pak jo było Leuckhart, a jogo manźelskeje Charlotty Sophie Strehloweje (1776–1854) w Zabroźe pśi Gójackem jazorje. Maś Leichhardta jo była źowka serbskego kubłowego inspektora a jo póchadała z Hermersdorfa pla Müncheberga.
Zaměr tegdy 28-lětnego Leichhardta, aby źěłał w Sydneyu ako inspektor w Kralojskej botaniskej zagroźe, njejo se społnił.