Sobota, 11. februara

l W Dalicu/Dahlitz budu póry se zmakaś zeger 12:00 pla „Küko“ (něgajšny konsum) w Dalicu. Zapustojski pśeśěg buźo se zeger 13:00 zestupowaś a wumaršěrowaś. Wjacor budu reje w Popojcach. Z busom mógu dalicańske tam dojěś, bus wótjěźo zeger 19:30.

l W Popojcach/Papitz buźo lětosa 111. zapust. Młode a ženjone budu zgromadnje swěśiś. Wót zeger 12:30 budu žeńske w drastwach cakaś pśi konsumje we jsy. Zeger 13:00 pśidu muske z kapału k nim. Pótom budu se zestupowaś a wumaršěrowaś. Wjacor budu reje w swěźeńskem stanje pśi športnišću.

l W Tšadowje/Stradow zgromadny zapust młodych a ženjonych. Pśed gmejnskim domom budu se póry zeger 12:30 zmakaś. Zeger 13:30 buźo wuwitanje tšadojskich a gósćow a zeger 14:00 budu wumaršěrowaś. Reje budu we Wětošowje w zalu pla bura „Ricken“. Wót slědnego dwóra (Bräuerojc) budu póriki tam dowjeźone.

l W Brjazynje/Briesen buźo muskecy zapust, zmakanje buźo wót zeger 15:30 w gósćeńcu „Ballhaus Eiche“, wót tam budu zeger 16:00 wumaršěrowaś.. Zeger 18:00 budu tam zas zamaršěrowaś a rejowaś.

Njeźelu, 12. februara