Južo witśe, stwórtk, 26. januar, buźo młoźina Dolnoserbskego gymnaziuma w měsće zapust swěśiś. 22 pórow buźo šesć štundow pó měsće z gercymi śěgaś a woglědaś wšakim sponsoram a pódpěrarjam gymnaziuma. Zachopiś budu zeger 12.00 z rejku na šulskem dwórje. Pótom budu woglědaś mjazy drugim do Witaj-centruma (12.50), do radnice k wušemu šołśe (14.00), do serbskego studija rbb (15.25), do Serbskego domu (16.00). Teke pśez Blechen-Carré (16.30) budu śěgnuś a tam rejowaś: muzika buźo tam bejnje rozlěgaś! Wokoło 19.00 budu pśiś slědk na šulski dwór. Wjacor buźo šulska disco, na kótaruž su wšykne lětniki pšosone.

*

Ten kóńc tyźenja zapustujo młoźina w Prjawozu. Sobotu budu wót zeger 9.00 z gercymi camprowaś. Zeger 21.00 buźo reja w Lukasojc kjarcmje.

Njeźelu zmakaju se póry zeger 12.30 w Lukasojc kjarcmje. 13.30 budu wumaršěrowaś z gercymi a woglědaś wšym sponsoram. Wokoło sedymich wjacor budu do kjarcmy zamaršěrowaś. Wjacor jo reja z muziku.

*