Dolnoserbska biblija buźo se nowo śišćaś

Awtor: Ines Neumannojc srjoda, 25. januar 2017
Wobźělniki slědnego bibliskego krejza 20. januara su źěłali z tekstami 150 lět stareje biblije. Nic drugego njedajo. Buźo cas, až dostanjomy nowu bibliju. I. Neumannojc

Za kśesćijany jo biblija zachopjeńk a zakład wšeje wěry. A žrědło wobnowjenja našych wutšobow pśez swětego Ducha. Kśesćijańska wěra njejo móžna bźeze biblije.

Ale naša dolnoserbska biblija buźo 2018 južo 150 lět stara! Prědny raz jo se wudała w lěśe 1868. A to jo było teke ten slědny raz. Do togo casa a pótom su byli někotare wudaśa Nowego testamenta a pjerwjej teke Starego – ale wóni su byli wšykne pśed wjele wušej ako hundert lětami. Zestarjeta jo jich rěc a papjera, a wóni njejsu něźi na wěcej na pśedań.

Dla togo jo śim lěpjej, až změjomy nejskerjej pśiduce lěto zasej nowe wudaśe. Gaž wšykno tak buźo, změjomy śišćanu bibliju tak ako elektronisku za computer a e-book-reader a teke w interneśe.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś

Nowy Casnik online skazaś