Góry/Guhrow. Wušej 90 Górjanarjow jo pśišło na tamnu woklapnicu – a to njeglědajucy na temperatury pód nulu a gładke drogi. Wjaselili su se na dobru zgromadnosć a na to, až mógu tam nejlěpše a nejnowše informacije dostaś. Jaden wót nich jo był 84lětny Max Jaser, kótaryž serbsku rěc hyšći wót doma derje wumějo. Akle w běgu wjacora jo wón musał spóznaś, až njejo ten nejstaršy we tej runźe.

Šołtowka Kerstin Jaserowa (55) jo se wuźěkowała wšyknym za dobre a pilne zgromadne źěło a za wjele rědnych zarědowanjow. Wuchwaliła jo dobre gromaduźaržanje na Górach.