Sobotu, 10.12.2016, zeger 13.30, w telewiziji rbb
„Łužyca“ se prezentěrujo w nowem designje! Pó 8 lětach smy magacin modernjejšy, fryšnjejšy a bejnje pisanjejšy wugótowali. Dajśo se pśełapiś!
Temy decemberskego magacina: – Moderator Christian Matthée woglěda do pśechodneje wustajeńce chóśebuskego Serbskego muzeuma. Wón jo w rozgronje z wjednikom muzeja a z tymi tśimi kuratorami muzeja – wó wósebnych eksponatach, nowych konceptach a pśetwarjenju muzeuma na Młyńskej droze.
– 300 lět „Sorabija Lipsk“: 10. decembra 1716 su studenty teologije załožyli serbske prjatkarske towaristwo. Pózny slěd reformacije. Jich cel: póbitowaś prjatkowanja teke w serbskej rěcy. Zachopjeńk 20. stolěśa jo dostało towaristwo swójo źinsajšne mě „Sorabija“. Až do źinsajšnego preguju studenty nejstarše towaristwo Serbow a se staraju pśedewšym wó zdźaržanje serbskeje rěcy.