Susann Šenkec jo nowa pśedsedarka rady Załožby za serbski lud. Wónu 40lětnu Serbowku jo ta rada jadnogłosnje wuzwóliła za tu funkciju až do lěta 2019. W tom lěśe buźo kóńc aktualneje legislaturneje periody. Pśedsedarstwo su musali wótnowotki wobsajźiś, dokulaž doněntejšny pśedsedaŕ Jan Budaŕ jo wót 1. oktobra 2016 direktor Załožby za serbski lud. To jo był jaden wuslědk nazymskego pósejźenja teje załožby 23. nowembra w Pódstupimje.
Susann Šenkec jo žywa w Großenwiehe/Schleswig-Holstein a jo generalna sekretarka FUEN (to jo Federalna unija europejskich narodow) we Flensburgu. Wót lěta 2015 jo cłonk rady Załožby za serbski lud.