Jadne z nowšych dolnoserbskich knigłow, kótarež su se južo młoge luźe kupili a cytali, su knigły „A pó zemi libju te strusacki“/„Und überall flattern Blüten hin“. W nich stej Pětš Janaš z města a Roland Marti ze Saarbrückena wózjawiłej młoge z dłujkego a wobšyrnego literarnego a casnikarskego źěła Fryca Rochy, togo znatego a zasłužbnego dolnoserbskego basnikarja, wulicowarja a ceptarja (29.1.1863 – 24.4.1942). A to wšykno w originalnej serbskej rěcy a k tomu do nimskeje rěcy pśestajone, což jo wabiło pśidatnych luźi, ako serbsku rěc małko abo zewšym njewuměju.
Dwójcy su se te knigły, wudane 2015 w Ludowem nakładnistwje Domowina w Budyšynje, južo pśedstajili w Dolnej Łužycy. Raz ako premjera w Turjeju, źož jo był Fryco Rocha, roźony w Šejnejźe, wót 1891 do 1915 wejsny serbski ceptaŕ. A drugi raz pón w Serbskem domje w měsće. Něnto jo było tśeśi raz to grono wó tych drogotnych knigłach wó žywjenju a statkowanju Fryca Rochy.