Chóśebuz/Cottbus. Wót zachadnego tyźenja dajo w Měsćańskem muzeju na Dwórnišćowej droze tśi „serbske śpy“, źož woglědarje mógu něco wót serbskego luda w Dolnej Łužycy zgóniś. Ta serbska mini-wustajeńca dej narownaś brach, kótaryž jo nastał pśez to, až Serbski muzej se pśetwarjujo a pśenowjujo a wóstanjo nanejmjeńšem na lěto woglědarjam zamknjony. „Ja se wjaselim, až smy weto we zjawnosći prezentne“, jo nam groniła kuratorka muzeja Christina Kliemowa pśi wótwórjenju teje serbskeje wustajeńce w Měsćańskem muzeju stwórtk wjacor.