Grodk/Spremberg. Grodkojske wótźělenje Nimskego zwězka za wobzwarnowanje natury NABU jo swěśiło pśedslědny tyźeń 10. jubilej swójogo załoženja. Šołtowka Christine Herntierowa jo chwaliła jich źěło, a jeje pśedchadnik, něnto wótpósłany nimskego parlamenta, dr. Klaus-Peter Schulze (CDU) jo jim pśipósłał pismo z póstrowjenim a ze słowami źěka. Pśi góźbje 8. Grodkojskego dnja wódy a natury su we „Małem naturparku Słomjeńske Kuty“sajźili lipu, ten bom lěta 2016.