Z Města/Cottbus. Aktualna generacija dožywijo wjelicku transformaciju. Lěbda wěrjobne, kak malsnje se wuwija kumštna inteligenca (krotko: KI) ako slěźeński a nałožowański wobłuk informatiki. Co wunjasu take wuwiśa za serbske zgromaźeństwo? Kak móžo KI wšakego raza se wustatkowaś na kulturu a rěc? Mógu se digitalne technologije ako rěd wužywaś, aby se kulturna wjelerakosć wobchowała – bźez togo, až žywy charakter praktikow se zgubijo? Takim pšašanjam jo se pśiwobrośił studijny źeń, kenž jo Šula za dolnoserbsku rěc a kulturu pětk, 6. nowembra, w Měsćańskem muzeju w Chóśebuzu pśewjadła. Něźi 20 zajmcow jo pódla było a tek pilnje wó tom sobu diskutěrowało.

