Nowu dolnoserbsku antologiju su teke w Budyšynje pśedstajili

Awtor: Carmen Schumann stwórtk, 19. nowember 2026
Wótlěwa: Werner Měškank, Anna Kosacojc-Kozelowa a Źilka su w Budyšynje pśedstajili swóje pśinoski z antologije „Ceje ga smy?“. Foto: S. Pětr Cyž

Z Budyšyna/Bautzen. „Ceje ga smy?“ Na to pšašanje su Werner Měškank, Anna Kosacojc-Kozelowa a Źilka slědny stwórtk wjacor w Smolaric knigłaŕni wótegronili z tym, až su pśedstajili swóje pśinoski z noweje dolnoserbskeje antologije, kótaruž jo dr. Christiana Piniekowa wudała.

30 woglědaŕkow a woglědarjow jo pśichwatało. Jadnaŕ Ludowego nakładnistwa Domowina Syman Pětr Cyž jo w swójich zawjedujucych słowach gronił, až lažy wósebna gódnota toś tych knigłow we tom, až wóni cesto jano wustnje dalej dawanu wědu wó familijowych spomnjeśach zachowaju.

18 awtorkow a awtorow, kótarež su se mjazy 1947 a 1997 naroźili, su wó tom pisali, pśi tom lichosć pśi wuběrku tekstowego žanra měli. Wudawaŕka jo pódšmarnuła, až jo pśi nastaśu knigłow wjelgin dobra mjazsobnosć se kněžyła.

Swóju premjeru su te knigły swěśili dnja 13. oktobra w Serbskem domje w Chóśebuzu. Cytanjeju w Smolaric knigłaŕni jo se pśizamknuła žywa rozgranjańska runda. Jo było zwjaselece zwěsćiś, kak wjelgin se teke górnoserbski publikum za tu dolnoserbsku antologiju zajmujo a kake pśipóznaśe jo se za to zwurazniło.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś