Prědna pomoc – kšac pó kšacu na serbski

Awtor: Katalin Porackojc stwórtk, 19. nowember 2026
Emilija Filenbergojc pokažo zajmowanym pśibytnym reanimaciju wutšoby. K. P.

Z Města/Cottbus. Ga sćo měli Waš slědny kurs prědneje pomocy? Móžośo kšej wiźeś? Sćo Wy sebje juž něco złamali? Sćo musali raz nuzowy numer wołaś? To su byli zawjeźeńske pšašanja moderatora Serbskego blida Gregor Kliem, na kótarež su dejali gósći – zwětšego wuknice a wukniki Dolnoserbskego gymnaziuma – srjodu wjacor w Serbskem muzeju wótegroniś. To jo było dla głowneje temy wjacora: „Prědna pomoc na serbski“.

Pśepšosyli su ku tej góźbje wuknicu Dolnoserbskego gymnaziuma Emiliju Filenbergojc, kótaraž we swójom lichem casu se angažěrujo, a to mjaztym wušej 5 lět, pśi ewangelskej pomocnej organizaciji „Die Johanniter“. Tam jo wóna wjednica młoźinskeje kupki (Jugendgruppenleiterin) za młodostnych mjazy 12 a 18 lětami a pšawidłownje organizěrujo a pśigótujo trening za prědnu pomoc abo druge aktiwity kaž grilowanje abo graśa. Jeje team jo se samo na krajnem wuběźowanju Johanitarjow lětosa prědne městno wudobył a jo se kwalificěrował za zwězkowe wuběźowanje w prědnej pomocy 2027.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś