Z Mósta/Heinersbrück. Pśed 509 lětami jo Martin Luther swójich 95 tezow wózjawił a jo z tym reformaciju wubuźił. A na to jo se teke w serbskej jsy Móst dopomnjeło sobotu, 31. oktobera we wejsańskej cerkwi. Tam ga jo se wótměła serbska namša z Bóžym blidom. Wjele luźi jo teke swóju drogu tamkow namakało, nic jano te mósćańske, ale teke druge ze susednych jsow a samo z Dešna, Žylowa a Města. A to pśi kradu zymnem wjedrje.

Liturg jo był faraŕ Tobias Pawoł Jachmann, kenž jo cełu namšu serbski nawjedował. Dr. Madlena Norberg jo serbski prjatkowała a była lektorka. To jo na orgelach pśewóźił Tobias Kahl, kenž jo na kóńcu teke moderny spiw znatego spiwarja Ed Sheeran nowo interpretěrował na toś tom instrumenśe.