Pasujuce k tomu, až nowember jo mjasec z dosć góźbami a datumami wopomnjeśa (źewjety nowember, njeźela zemrětych a tak dalej), nas pśepšosujo aktualne wudaśe Rozhlada na wšaki part k rozestajenju ze zachadnosću a z temu dopomnjenje. Tak jo pśinosował kubłański referent Wopomnišća Budyšyn, Křesćan Schröter, pśedsłowo, w kótaremž se pśiwobrośijo dalejdawanju dopomnjeśow pśez generacije, pokazujucy na nazgónjenja ze swójskeje familije. Wón nas wšyknych k tomu pógnuwa, nic jano z formami symboliskego dopomnjenja spokojom byś, ale se wědobnje teke žywemu dopomnjeśu pśiwobrośiś – glědajucy na dožywjenja a wósobinski pśisud casowych znankow.