Aalkersem na kupje Feer/Alkersrum auf Föhr. Załožba Ferring (Ferring Stiftung) na kupje Feer/ Föhr jo w oktobrje dostała pódpěru w ramiku krajnego programa „Offene Innovation der Staatskanzlei Schleswig-Holstein“, aby zgromadnje z „B310 Digital GmbH“ z Kiela nowy projekt zwopšawdniła: digitalny system rěcnego wudaśa w rěcy fering, to jo ta warianta pódpołnocneje frizišćiny, ako se powěda na kupje Feer (nimski Föhr). „Pśi tom jo to jano mały późěl našogo projekta,“ rozjasnijo projektowy koordinator Hauke Heyen: „Zapšawym jo to ,text-to-speech-wudaśe’ na fering jano něco, z cymž testujomy tu wětšy ideju, ako za tym štycy.“

Pśeto póstajony cil projekta jo to k-dispoziciji-stajanje jadnogo workflow za małe rěcy, kenž jo kompletnje gótowe k zasajźenju (einsatzbereit) dokumentěrowany, aby se wuwił jaden TTS-system (text-to-speech, pótakem „tekst k rěcy“).