Z Rěćic/Rietschen. Aby gósćam Łužyce pokazali serbski charakter tudejšych stronow, jo se 1996 załožył Zwězk Serbski kulturny turizm z.t.. Mjazy tymi jadnab 40 akterami su pśewódniki turistow, muzeje, gósćeńce a towaristwa.

Něnto, 30 lět pózdźej, jo towaristwo swójich cłonkow a pódpěrowarjow pšosyło na wuměnu na Erlichtoc dwór w Rěčicach pla Běłeje Wódy. Mała licba wót nich jo pśišła slědnu wałtoru, teke zastupnice wokrejsowu Sprjewja-Nysa a Dubja-Błota a wót Góspodaŕskego regiona Łužyca.

Na městnje su glědali slědk na to, což su dojśpili, na aktualne projekty a su pytali za idejami za pśichod. Pětr Brězan, cesnoamtski pśedsedaŕ towaristwa, jo wósebnje wuzwignuł wuwijanje licbow followerow towaristwa we socialnych medijach – a pokazał na drogujucu wustajeńcu „Pisanosć serbskich drastwow we Łužycy“, kótaraž tuchylu wisy we Erlichtoc dwórje. Wušej togo jo sobuźěłaśeŕ Franc Golchert pśedstajił produkty togo towaristwa, brošurki, tase abo pyšny kalendaŕ z drastwinymi pórami za 2027, kótaryž jo pśedwiźony za cłonki a njebuźo na pśedań.