Z Města/Cottbus. 85 wuknicow a wuknikow stwórtego lětnika, ako wuknu dolnoserbsku rěc pak w B-wucbje, pak we Witaj-wucbje, stej ceptaŕce Anke Hille-Sickertowa (koordinatorka za wobdarjonosći na DSG) a Jenifer Dünnbierowa srjodu, 4. nowembra, w awli Dolnoserbskego gymnaziuma wutšobnje pówitałej. Młode serbšćinaŕki a młodych serbšćinarjow jo ga docakał wjelgin zapśimujucy pśebytk na tom gymnaziumje: mjaztym 3. tamna nazymska olympiada, pśi kótarejž wóni swóje znajobnosći serbskeje rěcy, specielnje wokoło temy nazyma, pokažu, a mimo togo pśi wšakich aktiwitach teke Dolnoserbski gymnazium póznaju.