Z Rownego/Rohne. Njeźelu wótpołdnja su swěśili te „Rowniske glosy“ na Njepilic dwórje swój 20-lětny jubilej. Woglědarje w bogatej licbje su pśichwatali, mjazy nimi teke gratulanty ako slěpjański šołta Jörg Funda, faraŕka Jadwiga Malinkowa, Manfred Nickel a Manfred Hermaš wót Towaristwa Njepilic dwóra kaž teke zastupniki wót Serbskego kulturnego centruma Slěpe (SKC) a wót Šusteroc dwórje w Trjebinje. We kšasnem swěźeńskem koncerśe ze serbskimi a nimskimi spiwami su te žeńske swójo zamóženje pokazali, pódpěrane wót Dany Kavelmannoweje a dweju spiwaŕkowu wót Serbskego folklornego ansambla Slěpe. Ruth Mroskojc jo wjadła pśez program a jo hyšći raz dopomnjeła na stawizny Rowniskich glosow.