Z Města/Chóśebuz. Pśiducy tyźeń jo to zasej tak daloko, 36. Filmowy festiwal Chóśebuz (FFC) se zachopijo. Nagromadu 147 filmow z 43 krajow w 11 sekcijach móžośo se woglědaś na płachtach Weltspiegela, Komornego jawišća, Glad-House a Obenkina. Mimo premjerow w bogatej licbje, klasikarjow kina, kaž filmow pólskego režisera Andrzeja Wajdy pśi góźbje jogo 100. pó-smjertnych narodninow, abo narodnych hitow buźo nowum w historiji FFC wiźeś: „A woman asleep“ jo prědny powšykny z KI generěrowany film we głownem wuběźowanju mjazynarodnje etablěrowanego filmowego festiwala. Mimo Carnogórskeje stoj lětosa teke Letiska w fokusu FFC. My comy pak wósebnje na sekciju Heimat/Domownja/Domizna pokazaś.

Srjodu, 4. nowembra, zeger 16:00 w Glad-House

Ku góźbje 80. jubileja DEFA pokažu tśi z nagromadu 40 filmow, kótarež su nastali mjazy 1980 a 1990 w produkciskej kupce „Serbska filmowa skupina“ w Budyšynje: „Wnučki Łužičanow – Die Enkel der Lusitzer“ (Armin Georgi, 1967), „Gaž wětšyk dujo.../Und auf steht die Wahrheit“ (Toni Bruk, 1984) a „Wopyt/Unruhe“ (Toni Bruk, 1984)

Srjodu, 4. nowembra, zeger 18:00 w Glad-House