Z Hochoze/Drachhausen. Zasej jo se wótměło tek w Dolnej Łužycy nazymski koncert wót Domowiny. Tenraz ale nic w Janšojcach, ale w Hochozy, w „Złośanem plonje“. Zajźonu sobotu su se wótwórili źurja za serbski folklorny ansambel Wudwor a jadnab 30 gósći. Město chorowego spiwanja jo pěś rejowańskich pórow pokazało wšake ludowe reje, rowno tak serbske ako słowjańske. Zwětšego su to byli reje, kótarež wopisuju burske žywjenje, mjazy nimi „Freudentanz“, „Dreschflegeltanz“, „Bauerntanz“- jadna mazurka z Pólskeje. Reje su krotko w górnoserbskej rěcy zamoderěrowali, za tych, kenž njejsu to rozměli, su pśełoźowali do nimskeje rěcy. Na to su pón kuždy raz pokazali: „Das haben Sie jetzt sicherlich alle nicht verstanden“. Pó wšakich wóspjetowanjach jo něchten z publikuma wótegronił, „Doch, doch. Wir verstehen alles“. Pśi slědnem programowem dypku pśedstajenja jo kupka Wudwor reju k swajźbje prezentěrowała a jo k tomu spiw „Wjasele źinsa“ spiwała, do kótaregož su woglědarje w dolnoserbskej rěcy pśizagłosyli.