Foto: priwatne Foto: priwatne Foto: priwatne Foto: Marcel Noack Foto: A. Günikerowa Foto: priwatne
Ze Złego Komorowa/Senftenberg. Na Bramborskej techniskej uniwersiśe Chóśebuz-Zły Komorow jo zachopiło šesć młodych luźi z Łužyce juž dłujko wócakany studium na wuceński amt za serbšćinu w kombinaciji z matematiku abo nimšćinu za primarny schójźeńk. Docentka Julija Běrinkowa jo jich pózbuźiła se how pśedstajiś. My žycymy wšyknym dobry start do studiuma a wjele wuspěcha a wjasela pśi wuknjenju dolnoserbskeje rěcy. To som ja – Mója droga k dolnoserbskej rěcy
Witajśo! Mě se groni Ariel Skórka a bydlim we Wjelikich Dobrynjach/Großdöbern blisko Chóśebuza. Som se naroźił w Pólskej.
Mam tśi źiśi. W swójom lichem casu zajmujo mě muzika, fotografěrowanje a filmowanje. Som teke aktiwny w našej jsy a pomagam pśi rozdźělnych zarědowanjach.
Pśez swóje źiśi som se zeznał z dolnoserbskeju rěcu. Wóni su w šuli serbski wuknuli a teke ja som se zachopił za tu rěc zajmowaś. Wót septembra 2023 až do junija 2024 som w programje Zorja intensiwnje dolnoserbski wuknuł.
