Z Barlinja/Berlin. W Zwězkowem sejmje w Barlinju jo se pónjeźele, 5. oktobra, wótměło 78. zmakanje parlamentariskeje pśirady Załožby za serbski lud. Pó dlejšem casu su se zasej pśewjadli wólby. „Nowy“ pśedsedaŕ jo Marko Šiman (CDU), kenž jo se zasej do togo amta wu-zwólił. Jogo prědny zastupnik jo wordował Florian Oest (CDU) ze Sakskeje (Zgórjelc), wótpósłańc Zwězkowego sejma. Ako jogo drugi zastupnik jo se wuzwólił Lars Katzmarek (SPD) z Bramborskeje (Chóśebuz). „To jo tradicija, až z kuždego kraja, Bramborskeje a Sakskeje, něchten do teje pozicije pśiźo“, jo Nowemu Casnikoju rozkładł Marko Šiman. Jo teke gronił, až wón to wažne źěło ako pśedsedaŕ parlamentariskeje pśirady wjelgin rad wugba a jo wjelgin rad teke dalej wjeźo.