Z Města/Cottbus. Až tuchylu se wuźěłajo pśikładowy wobraz (Leitbild) za Serbski muzej w Měsće, ma slědujucu slězynu: Poměrnje malsnje za tym až jo Katharina Kliemowa w awgusće 2023 zachopiła, w muzeju ako muzejowa pedagogowka źěłaś, jo wóna naspjet wuzwignuła, až to by zmysłapołne było, pśikładowy wobraz wuwiś pśed tym, až wšykne se na wuměńk pódaju, aby se spócetna wizija a teke mysli k pśichodoju muzeja wustajili, se drugim pśepódaś mógu. „Dwě lěśi dłujko njejo to wjeliki wótgłos namakało“, tak Katharina Kliemowa. „Kóńc slědnego lěta jo pón Anja Jahnojc (tegdy wjednica muzeja) stajiła póžedanje wó spěchowanje na Ministaŕstwo za wědomnosć, slěźenje a kulturu – za nas a za Měsćański muzej Chóśebuz. Spěchowańske srědki su se pśizwólili a oficielne pśepódaśe spěchowańskego wopisma jo było dnja 14. septembra 2026.“