Ze Pšynego/Missen. Chorowe lěgwo jo cele wósebna forma wódychanja: se gromaźe wulětujoš, pśemało spiš a wjele spiwaš, až tebje wušy klinkatej! Teke lětosa jo to kóńc septembra zasej za 45 wobźělonych groniło: kofery pakowaś, noty zatkaś a se pódaś do chorowego lěgwa w Pšynem (Missen) pla Wětošowa! Pśeto wjelike tšojenja pušćaju swóje smugi docasa – w pśiducem lěśe dajo ned dwójnu pśicynu za swěśenje: Dolnoserbski gymnazium Chóśebuz swěśi swój 75. narodny źeń – a teke šulski chor swěśi swójo 75. wobstaśe. To se wě, až nichten njoco ze kśiwym tonom wokoło rožka pśiś.