Ze Chrósćic/Crostwitz. Pětk, 25. septembra 2026, su wobradowali cłonki Zwězkowego pśedsedaŕstwa (ZP) Domowiny w Chrósćicach. Diskusiju su wuwabili wuzwólowanja serbskich zastupnikow ze Sakskeje do Załožboweje rady za nowu wólbnu dobu 2027–2031. Wuzwólowanja se wótměju na pśiducnem pósejźenju ZP. Až do 30. oktobra mógu serbske zjadnośeństwa naraźenja za kandidatow w zastojnstwje Domowiny zapódaś. Za wuzwólowanja do rady, ako budu w decembrje, jo ZP slědujucy wólbny wuběrk pówołało: Křesćana Korjeńka, Heike Apeltowu a Lorenca Krauße.

ZP jo nowy wuběrk wutwóriło, aby se zgromadnosć mjazy Dolneju a Górneju Łužycu lěpjej woplěwało. Dotychměst pśisłušaju tomu wuběrkoju Franciska Albertowa, Dawid Statnik a Bjarnat Cyž. Dalšne cłonki su wutšobnje witane a mógu se w zastojnstwje Domowiny raźi pśizjawiś. Wuběrk dej pódpěrowaś zgromadne projekty abo mjazsobnu wuměnu. Z boka zastojnstwa buźo referent Clemens Škoda wuběrk pódpěrowaś.