Z Města/Cottbus. Wótźělenje Regionalne wuwiśe a šćit mjeńšynow (Regmje), kótarež jo se 2022/2023 pśi SI załožyło, jo se zapisał nadawkoju, zakłady a instrumenty wuwijaś, kótarež w praksy nose. A z glědanim na praksu se to wopokažo ako relewantne, kake wuměnjenja pó-daju infrastruktura, wuwiśe wobsedlenja a planowanje za zdźaržanje a dalejdawanje mjeńšynoweje kultury. A to ga su komuny, kótarež wažnu infrastrukturu k dispoziciji stajiju. Ale glědaju pśi swójom strategiskem planowanju teke na serbsku rěc a kulturu? Rowno w naglěźe teje do dłymi pśimajuceje strukturneje změny we Łužycy dajo wobmyslenja, až mógałej serbska rěc a kultura na škódu pśiś, gaž se wótměwa góspodaŕske pśe-twarjenje mimo źiwanja na njej.