Z Hor/Bergen. Wjeliki projekt k šćitoju pśirody (Naturschutz-Großprojekt) Łužyska jazorina wobstoj něnt južo 25 lět. Wón se měri pśedewšym na šćitanje a woplěwanje pógórnistwoweje krajiny wokoło jazora Eriki, Nowołučanskego jazora (Neuwieser See) a Horjanskego jazora (Bergener See). „Něźi 6,5 milionow euro jo se dotychměst inwestěrowało do nakupi gruntow, pśetwórjenja góle, rolnikaŕskich projektow a aby se za to starało, až krajina wóstanjo wótwórjona“, jo dała gmejna Halštrojska góla w gmejnskem lisće k wěsći. Dalej pišu: „Pó zakóńcenju zwězkowego spěchowanja 2011, intensiwnych jadnanjach z LMBV dla zapisanja wjele pśestrěnjow do gruntowych knigłow a eksistencu wobgrozecego wótwalenja zemje (Erd-rutsch) w oktobrje 2010 jo projekt schylami pśed kóńcom stojał.“